Takk for at du melder deg som frivillig til Malakoff 2025!
Du er ein del av sjølve hjartet til festivalen. Saman lagar vi gode opplevingar, relasjonar og minne for alle som er involverte, både medfrivillige, samarbeidspartar, artistar og publikum. Vi tek godt vare på oss sjølve, kvarandre og arenaen.
Som frivillig aksepterer du følgjande vilkår:
- Vi er blide, høflege, respektfulle og imøtekomande mot alle
- Vi er alltid edru og rusfri på jobb for Malakoff
- Vi møter opp i god tid, blir registrerte og jobbar vakt(ene) vi har avtalt
- Vi gjer oppgåvene vi blir sette til og følgjer instruksane vi får
- Vi går med ID-kort og vaktvest når vi er på vakt
- Vi har tilgang til mat og drikke på frivilligmatområdet når vi har vakt
- Vi avtaler med næraste overordna eller kollega når vi tar pause. Vi blir ikkje sitjande for lenge, festivalen treng oss.
- Vi svarer på spørsmål når vi kan, eller viser til infokanalar som malakoff.no
- Vi ber om hjelp viss noko er vanskeleg, og vi hjelper kvarandre
- Vi har eit felles ansvar for at det er reint, ryddig og triveleg på Malakoff. Ser vi avfall på bakken, plukkar vi det opp og kastar det på rett stad.
- Vi startar sløkking og melder frå til overordna viss det oppstår brann
- Vi melder eventuelle avvik eller uønska åtferd til næraste overordna
- Vi sjekkar ut hos vår kontaktperson når vakta er slutt, og leverer frå oss ID-kort og vest/forkle
- Vi oppheld oss ikkje i frivilligområda og brukar publikumsinngangen når vi ikkje er på vakt
Brot på vilkåra blir sett på som avtalebrot og kan føre til inndraging av festivalarmband og fakturering av festivalbillett. Ein kan miste retten til å vere frivillig i framtida.
Du samtykker i at Malakoff kan lagre personopplysningar i samsvar med GDPR. Opplysningane vil ikkje bli delte med tredjepart, og du kan når som helst be festivalen om innsyn i kva opplysningar som er lagra, eller be om at alle eller delar av opplysningane blir sletta.
Du godtek også at bilete som er tatt av deg på vakt kan nyttast av Malakoff til marknadsføring eller presentasjon av festivalen.
Takk!
#hjartetifestivalen #denbestefestivalopplevinga
