For 3 året på rad så serverer Malakoff og SpareBank 1 Sogn og Fjordane konserten MiniMalakoff i Sagaparken på Nordfjordeid kl 12 på Malakofflaurdagen. Arrangementet er gratis og ope for alle!
– «I år så er det to av våre mest rutinerte og folkekjære barneunderhaldarar Bare Egil og Aslags endå meir superpopulære barneshow som står på scena. Dei har i ei årrekkje begeistra ungar i alle aldrar med sitt elleville og superpopulære barneshow, og vi gler oss veldig til å samlast i Sagaparken til sommaren», seier festivalsjef Arnt-Ivar Naustdal
Dei ungdommelege nokreogfemtiåringane tek i bruk moderne verkemiddel som synth-trommer, keytar, sminke og TikTok-inspirerte dansetrinn i eit forsøk på å nå endå betre fram til den oppveksande slekta. Problemet? Det kostar å vere hipp og moderne – og plutseleg må dei ty til kreative (og heller tvilsame) løysingar for å halde fasaden oppe.
Med rause dosar musikk, humor og ironi får publikum ei ellevill framsyning som både underheld og pirkar borti samtida sine skyggesider – frå motepress til kunstige skjønnheitsideal.
«Bare» Egil Hegerberg og Aslag Guttormsgaard har spelt saman i ei rekkje tiår i band som Hurra Torpedo, Bare Egil Band og Black Debbath, og er velkjende frå både Barne-TV, film og ei rad TV-program.
Alt ligg til rette for eit barneshow og vaksenshow utanom det vanlege i Sagaparken på laurdag 18. juli kl. 12.00.
