Det let som eit heftig kjærleiksbarn av Ramones og The Strokes – og resultatet heiter Bad Nerves! Med nådelaust tempo, sprengde gitarar og sylskarp popteft leverer dei låtar som treff rett i mellomgolvet.
Den sjølvtitulerte debuten og oppfølgjaren Still Nervous har sikra dei ein solid plass i hjarta til den alternative rockeeliten. Lovorda har kome frå tungvektere som Billie Joe Armstrong, Stone Gossard og sjølvaste Iggy Pop. Med referansar til Supergrass, The Hives og Jay Reatard, dyrkar dei den rå, smittsame og kompromisslause rocken sjangeren vart bygd på.
På berre tre år har dei gått frå sveitte, tronge klubbscener til å spele på alle dei store rockefestivalan ei Europa, inklusiv supportturne for m.a Green Day og Weezer. Dei eksplosive og lynraske konsertane – levert i det som kjennest som 200 km/t – har trollbunde nye fans verda over.
No står britiske Bad Nerves fram som ein av dei mest elektrifiserande nye eksportane innan rock’n’roll, og medan dei jobbar med sitt etterlengta tredje album, kan publikum på Nordfjordeid førebu seg på eit adrenalinkick av dei sjeldne når bandet inntar Malakoffparken laurdag 18. juli.
