Gamle og nye publikumsfavorittar til Malakoffestivalen!
Malakoff-programmet byrjar verkeleg å ta form. I dag legg festivalen fem nye norske artistar til festivalplakaten: Ikoniske Turbonegro, publikumsfavoritten vinni, den lokale popstjerna Anna Lille, vestlandsfemomenet Oddny og kompromisslause Sa_G.
Frå før så er artistane Dumdum Boys, Ari Bajgora, Lambrini Girls (Uk) og Odd Nordstoga klare for Malakoffparken 17.-18.juli. Dermed har festivalen på Nordfjordeid slept halve programmet før jul.
- Desse 5 artistane supplerer veldig godt årets lineup, samtidig som alle artistane har på kvar sin måte eit solid liveuttrykk som vi veit kjem til å glede mange, seier festivalsjef Arnt-Ivar Naustdal
Turbonegro
Fenomenet Turbonegro, eit av Norges mest ikoniske rockeband gjennom tidene, returnerer til Malakoff! Sidan dei sist spelte her i 2017, har bandet hatt få konsertar i Noreg, og sommaren 2025 har vore ei rein triumfferd – med toppplasseringar på fleire av Europas største festivalar. Den einaste norske festivalen dei spela på var Tons Of Rock.
vinni
Øyvind Sauvik, alias vinni, har prega norsk musikkliv i over 20 år med låtar som «Glorie», «Barcelona», «Lonesome Traveller» og «God Morgen Norge». Som frontfigur i Paperboys og med ei imponerande solokarriere har han vist seg som ein av landets mest rutinerte liveartistar. Vinni navigerer sømlaust mellom hiphop og pop, og har vunne hjarter over heile landet – frå store festivalar til intime klubbscener.
Anna Lille
Den lokale popstjerna Anna Lille er tilbake på Malakoff – frå amfiscena i 2024 til den store Malakoffscena i 2026! Med ei særeigen stemme og ærlege tekstar har ho vorte samanlikna med girl in red og AURORA, og markert seg sterkt som liveartist landet rundt. Etter festivalsuksess og internasjonal merksemd er ho klar for ei heilt spesiell heimebaneoppleving i 2026
Oddny
Oddny er tilbake på Malakoff – frå amfiscena i 2024 til den store Malakoffscena i 2026! Det vestnorske fenomenet leverer alternativ poprock med sterke melodiar og poetiske tekstar på dialekt. Med utselde konsertar og strålande kritikk frå by:Larm i ryggen, kjem dei no heim med ny energi og klar for å løfte publikum på nytt
Sa_G
Sa_G er ei rå og kompromisslaus ny stemme i norsk hiphop, med dansbare trapbeats og eit unikt uttrykk. Ho er allereie ein favoritt hos Cezinando og Chirag, inspirert av kraftnamn som Doja Cat og Amy Winehouse. Debutalbumet «GUNHILD» kom i september, og etter ein eksplosiv konsert på Parkteateret er ho no klar for større scener – blant anna Malakoff 26.
Dette er Malakoffplakaten når 50 % av artistane er offentleggjort:
Dumdum Boys / Ari Bajgora / Turbonegro / Vinnie / Odd Nordstoga / Lambrini Girls / Anna Lille / Oddny / Sa_G
Malakoff 2026 blir ei feiring av musikkglede, positiv energi og mangfald – i Malakoffparken pÃ¥ Nordfjordeid – midt mellom vakker fjord og fjell. 🎸 Malakoff 2026 – Nordfjordeid, 17.–18. juli
