The September When har hatt eit eventyrleg 2024, der dei har feira sitt legendariske album Huggermugger, med ein triumferande turné som kulminerte i to fulle hus i DNB Arena i heimbyen Stavanger.
The September When, med Morten Abel i spissen, vart starta i Stavanger i 1987 av ein trio med fortid frå Mods. Ambisjonsnivået var pirrande høgt for eit norsk band på den tida, og med låtar som «Bullet Me», «Can I Trust You» og «Where You Go I Go», erobra dei publikum langt utover landegrensene.
Med albumklassikarar som Huggermugger, One Eye Open og Mother I’ve Been Kissed, sette The September When ein ny standard for norsk rock. Tre av fem album gjekk inn på #1 på VG-lista, og bandet vart kåra til Årets Spellemann i 1993.
Etter å ha blitt oppløyst i 1996, gjensåg dei kvarandre først i 2008 på ein konsert for 35 000 menneske i Stavanger sentrum. Deretter følgde albumet Judas Kiss same år, etterfulgt av ein turné som blant anna tok turen innom Oslo Spektrum.
Vi snakkar om eit av dei store norske rockebanda i historia, og eit band i storform når dei fredag 18.juli kjem på besøk til Malakoff 2025!
