Altså – når Honningbarna er aktuelle med nye låtar og eit komande album som kjem ut i slutten av februar så er det ein «nobrainer» å booke dei tilbake til Malakoffparken i 2025!
Vi opplevde karane frå Kristiansand på to festivalar i sommar, og for eit liveband dei er! Heilt konge! Du skal vere eit relativt stor surpomp om du klarar å stå i ro og vere likegyldig og sur på ein Honningbarna-konsert! Eller som Gaffa.no seier det etter å ha vore på same konsert som oss: «Du kan gå på konsert – eller så kan du gå på en Honningbarna-konsert. Det blir vanskelig å vurdere opplevelsen på samme grunnlag man vurderer andre konserter. Det hele kommer til å (som alltid) henge igjen i meg lang tid etterpå; inntrykkmessig og blåmerkemessig. Det finnes ingen andre norske band som kan sammenlignes med Honningbarna.»
Gler oss til nytt album i februar og til moshpit fredag 18. juli!
