21 åringen Ea Othilde frå Oslo er ein framadstormande indierock-artist du verkeleg bør få med deg akkurat no. I haust slapp ho det knallsterke debutalbumet I Will Not Be Like That, som sikra ho ein høgst fortent Spellemannsnominasjon i kategorien rock. Albumet har blitt hylla som ei perle – og står att som ei av dei aller sterkaste norske utgjevingane i 2025.
Allereie på EP-en Mary, Aren’t You Tired frå 2023 fekk vi tydelege hint om eit heilt spesielt låtskrivartalent. Musikken og tekstane hennar er prega av spenning, endring og uro, forankra i ein klassisk indierocktradisjon med klare referansar til både energien og det musikalske uttrykket vi kjenner frå store namn som Franz Ferdinand, PJ Harvey, Radiohead og Ellio Smith.
Du bør absolutt ta turen og sjå denne fantastiske unge artisten opne heile Malakoffestivalen i amfiet på fredag 17.juli!
